XESTREU é unha fusión de cinco formas diferentes de pensar, de sentir, coas achegas persoais de cada unha…. Isto é o que nos define…Do que escoitamos ao que cantamos hai unha viaxe, todo un proceso de adaptación e transformación.

O resultado é ese toque persoal XESTREU.

As pezas chegan ao grupo pola indagación de cada unha, dos propios gustos, pola doazón desinteresada de amigos e sobre todo grazas as mulleres que cantan aínda na nosa terra. As nosas fontes son esas persoas anónimas de cada pobo, híbrido de canto tradicional e popular. Esas xentes que nos cantan e nos ensinan máis ca unha cantiga.

Gústanos aprender das culturas do mundo, coñecer ás súas tradicións e formas de vivir.

XESTREU afonda na recollida, adaptación e interpretación das cantigas dos diferentes pobos do mundo. Rachando coas fronteiras e cos prexuizos incorpora os cantos dos pobos á súa forma de entender a música.

Queres viaxar con nós?

GALICIA, PORTUGAL, UCRAINA, PIAMONTE ITALIANO, MEXICO, CULTURA CHEROKEE, CULTURA SEFARDÍ, MAGREB, FLANDES, MACEDONIA, CERDEÑA

Dende o seu nacemento ata hoxe XESTREU ten actuado nas principais vilas galegas, Portugal, distintas provincias españolas, programas de televisión (Luar, Bamboleo, A Solaina…) Radios, Festivais (de Ortigueira, da Luz…) , Fiadeiros populares, Certames de música coral e encontros musicais en xeral, eventos solidarios e colaboracións con diferentes artistas.